Ka Dorbar Chnong Chilliangraij chirup i yakrehlang wa ka yung krehkaam ka District Forest Officer, Wildlife Division Jowai deilang waka Chilliangraij SSA UPS ha ka 30 tarik Naisan 2023 da pynman ki ya ka thung dieñ namo ka Tree Plantation Drive hei bynta ki chariñ ka Trepariat wa haap hapoh u pood u ang ka Dorbar Chnong Chilliangraij.
U Damehiwot Pde, Waheh Chnong Chilliangraij kam wow kdar luti ya ki bynta wa chakhmat yong kani ka kaam, da e u ki kyntien yahkhmat heiyatoh wa ka thong yong ka Mission Life wei da kyrsu kyntu u leh ya ki paidbah wa em ha kiwi ki chnong ki thaw yong ka District ka jylla wow ya chimbyntalang hei wow sumaar, pynneh pynsah yei man ka Bei Rymaw deiwa thung ya ki dieñ ki siej, u yada ya ki um ki wah khnang yow im i longbru manbru na ka pateiñ cha ka pateiñ.
Chooh chooh chwa wow sdang i thung ya ki tre dieñ, u Geneous Ryngkhlem, Forester-1, Wildlife Division Jowai da yahkhmat u hei wow puræ ya ka smai namo ka Environmental Pledge hei chimbyntalang ki khynnah skur, ki dkhot ka VDP Dorbar Chnong Chilliangraij deilang u Oriland Shylla, General Secretary Dorbar Chnong Chilliangraij.
Ha ini i thung dieñ da thung 80 tylli ki tre dieñ.
