Ka Dorbar Chnong Mukhla Umlangchor da pynman ko ya ka Election jied waheh chnong ynne ka sngi ha yung Dorbar Hall ka chnong hadien wa da kut ka samoi krehkaam u waheh chnong warim.
Ha kani ka Election da em ar ngut ki kyrtong, kitæ u Chest Lyngdoh wa u Pynshai Shylla uwa dadep man kam u waheh chnong ha kini ki 3 snem wa dadep.
Ya kani ka jied waheh chnong thymme da pynlai ya ka da u Pa Dolloi ka Elaka Nangbah, u R. Moon Garod.
Neiliang ki khon ka chnong da ya mih paidbah ki u pyndep yei thap Vote heiwa ki Vote waroh dapoi ki 756 tylli heiwa da chah kyntait 4 tylli.
Hadien wa dep niaw ya ki Vote, u Chest Lyngdoh da yoh 229 tylli katwa u Pynshai Shylla da yoh 339 tylli yow man biang kam u waheh chnong deiwa jop da 110 Vote.
Kamtæ u Pa Dalloi da pynbna u yei pyrtuid u Pynshai Shylla kam uwa jop yow man biang kam u waheh chnong neibynta ka 3 snem hadooh u snem 2027.
Discussion about this post