Pynman ka Dorbar Chnong Tpep-Pale ya ka Advance Anniversary 2025

Ka Dorbar Chnong Tpep-Pale, Jowai da pynman ko ya ka Advance Anniversary neibynta i dap 138 snem yong ka Balang Unitarian ha ka 13 tarik uni u bnai ha Yungwalieh ka chnong.

Ya ka lehkmen da pynlai da u Chenlang Pakma kam u Chairman ka Tpep-Pale Unitarian Celebration Committee.

Hadien da yoh ya i duwai na ka Gracefulda Pakma wa i klam na u Waheh Chnong, u Heibor U Tre Syngkon uwa da kyrsu kyntu ya waroh ki niam wa em hapoh ka chnong wa toh u pynman ki kam kini ki lehkmen kamwa da sikai ki warim nachwa.

“To chimbyntalang i ha waroh ki niam wow lehkmen leh sñiawbha, u pynriam pynyoosuk ya ka chnong katkam i ngait yong ki khon ka chnong,” da ong u waheh chnong deiwa e khublei Anniversary ya waroh kiwa ngait ka Balang Unitarian.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Hadien da yoh ya i klam na u Probanta Pakma kam u Member ka Unitarian Committee.

Ha kani ka sngi da ah leh ya u Cake da u Asst. Waheh Chnong, u EMH Passah kam chibynta u pynphooh pynphieñ ya ka lehkmen Advance Anniversary.

Ya ki kyntien e khublei da yoh na u Remos Challam, u Secretary ka Tpep-Pale Unitarian Celebration Committee uwa da e khublei ya ka Dorbar Chnong kamjooh ya ki khon ka chnong kiwa da wan pynchongchit wow sakhi ya ka lehkmen Advance Anniversary 2025.