Kam chibynta wow pynku ya kiwa em sap wow yalehke bol wei wow pynmih poisa neibynta wow pyntyllung yaki kaam ka Unit, neiliang ka EJNC-Khliehriat West Unit, ha kani ka 14 wa 15 tarik uni u bnai da pynman ko daka Futsal Knockout Tournament ha Eastside Inn Play Ground, Jaliyah, East Jaiñtia Hills District.
Ki Team kiwa da ya chimbynta ha katai ka Tournament da em ki 24 tylli, heiwa haka 14 tarik kawa man ka sngi wai pyrdi, da wan wai paidbah da u Comingsoon Dkhar, President HANM-EJHD, katwa haka sngi pynhaap pyrda da wan u Fransis Swer, uwi na ki waheh wa jooh smat wow e yarap hapoh ka imlang sahlang.
Yaka yakhun Final da pynman hapyrdi ka Five Brothers pyrchah yaka High Level heiwa da jop daka High Level da 1-0.
Ka High Level da yoh ko leh yaka song poisa wa T. 15,000 deilang wa ka Trophy wa ki takma, katwa ka liang wa rem da yoh ko yaka song pisa kawa T. 8,000, ka Trophy wa ki takma.
