Kam ka dak wow kynmoo warom ya ka sngikha u pa ka ri, u Mahatma Gandhi, ynne da chimkhia ka Ieibha Rta Society wow pynkhooid ya ki bynta ka Syntu Ksiar hadooh wa poi Pohkhyllem.
Neiliang ka Society da ong ko wa da yaleh katwa ye u pynkhooid deiwa khutlang yei ya krehlang yong waroh kiwa wan wa lai cha kini ki thaw wow sñiawbha u lehkhooid dei wym hoi u noh taroi kat chawa yoh yei jakhlia jakhlait næ i jhep khamtam ki Plastic.
Yei khooid i pliah, ka seiñ Ieibha Rta Society da booh ko ki hakhmat dooh, iwa man i bynta wow yoh ya i chait i khiah. Kamtae nadooh ynne ter-ter wym du kat ha kitai ki thaw, cha waroh hi, to’n pynman ya ki chnong ki thaw kiwa khooid wa pliah, nadooh i mynsien yong i leh hadooh ki dwar yung dwar pchem.
I pynkhooid ya ki bynta ka Syntu Ksiar toh neidaw wa man ko kawi ka thaw wa riñ ya ki Tourist na-jan na-jngai wow tipmit ya ka chnong Jowai wei neini da lai uiñ ki cha kiwa boon ki thaw hapoh ka Ri Jaiñtia. Kamtæ da khut ya phi waroh wow ya krehlang wa ka seiñ na ki por cha ki por hadooh ki sngi wow wan leh.
Discussion about this post