Pynman ka Jingiaseng Samla Balang Presbyterian Mihmyntdu da ka Marathon | Yoh leh ya ka Ambulance

Ka Socio Literary & Sports Association, Jingiaseng Samla Balang Presbyterian Mihmyntdu kam chibynta i lehkmen ya ka tayaaw lehkmen ki khynroo namo ka Youth Week & Youth Sunday da yoh ko u pynman ya ka 17th Marathon Race ynne ka sngi.

Chwa u sdang ya ka Marathon da pynhær ya ka lama da u TBn D. Passah heiwa u kongsan ha kani ka sngi toh u Wailadmiki Shylla uwa man u Minister sorkar heiwa u Dr. Heimonmi Niang, BDO ka Thadlaskein Block da man u kam u symbood kongsan.

Ha kani ka sngi da e kti leh ya ka Ambulance cha ka Socio Literary & Sports Association da u Minister.

Da ya emlang u waheh chnong ka Mihmyntdu, ki waheh dong na ki dong waphær waphær ka chnong, ki dkhot ka Committee Balang Presbyterian Mihmyntdu, ki dkhot ka EC ka Jingiaseng Kynthei, Jingiaseng Samla wa kiwa chah khut sñiawbha.

Ya kani ka Marathon da chimbynta du ki khon ka chnong Mihmyntdu wei da pynlai ya ka da i yarap na ka Yess Meghalaya, na ka Office ka Directorate of Sports & Youth Affairs.

Kiwa jop ha kani ka Marathon man ki kamni ha wah:

Senior Boys

1. Wandame Kyndait

2. Lorshai Phawa

3. Chantremi Shylla

Senior Girls

1. Iska Kyndait

2. Radika Lyngdoh

3. Shan Chyrmang

Junior Boys

1. Kyrsoi Kyndait

2. Winson Kyndait

3. Onielgaveth Chyrmang

Junior Girls

1. Sambun Kyndait

2. Flourish Bamon

3. Lucy Rymbai

Ya kiwa jop da e da ki Trophy wa ka song poisa.

Neiliang ka Association, da e ko yei sñiawngooh ya u Minister uwa da yarap wow ya ka Ambulance ka wow man i kyrkhu wa i yarap ya ki khon ka chnong Mihmyntdu.

Da e leh i sñiawngooh ya ka Office ka Directorate of Sports & youth Affairs kamjooh leh ya ka Yess Meghalaya kiwa da yarap poisa ya kani ka Marathon.

U Wailadmiki hei klam yong oo ha kani ka sngi da e khublei u ya ka Socio Literary & Sports Association kawa da ye u pynman ya kani ka Marathon kawa jop wei i chimbynta ha ki yalehke Sports pynlait ko na i myllien wa sih, kam i drugs wei yarap ko u pynlait na chiboon i kjut i chitom.

Ya kani ka yalang da pynlai da u Torimiki Chyrmang uwa man u Chairman ka Socio Literary & Sports Association.