15 49.0138 8.38624 1 0 4000 1 https://wyrta.com 300 0
Advertisement ad1

Pynman ka Jingiaseng Samla Presbytery Shangpung yaka pynsñiawthooh yei emkaam wow pynneh ya ki baam tynre

0 Comments
Advertisement ad1

Jowai: Kawa ye u man ka sien wa nyngkong wa ki seiñ kreh monsñiawbha ki balang niam da kynthup lang ki ya kaam wa yatoh wa i baam ha i krehkaam yong ki, iwa man wa pynbiang ym du yei baam wa kynja mynsien kamjooh ya i doh i pran. Ka Jingiaseng Samla Presbyterian Church Shangpung Presbytery deiwa ya krehlang waka North East Slow Food and Agrobiodiversity Society, Shillong deilang waka Society for Urban and Rural Empowerment, Jowai da lai luti ki ha kani ka thong wa thymme yow pynman yaka Workshop hajrong ki baam tynre. Ka Workshop toh i buit wa da pynkha da u Shibor Nongjngi, u Secretary ka Jingiaseng Samla Presbyterian Church, Shangpung Presbytery uwa da khut lang ya kini ki ar seiñ yow pynman yaka Workshop.

Ya kani ka Workshop wa chi sngi da pynkhreh da ka Art and Culture Committee ka Jingiaseng Samla Presbyterian Shangpung Presbytery kawa pynman haka 18 tarik uni u bnai ha Presbyterian Church, Thangrain, West Jaiñtia Hills District. Arngut ki wakreh, ka Pasqualina Lamare naka SURE waka Cratia Dkhar NESFAS da klam ki chaphang yei maa wa yang yaka spah ka rymaw heiyatoh wa i baam iwa da wanrah dei kylla i rukom baam ki bru iwa da ktah leh yaka rymaw, i chait i khiah waka kamai kajih ki bru.

Advertisement ad1

Da klam ki leh chaphang ki jait baam wa emkaam u baam wa kynthup ya kiwa ym toh u duna san jait na ki chiphaw tylli ki jait baam yow yoh yei chait i khiah. Da pynyoo leh ya i yarap wa yoh nei baam yaki jait jhoor wa em cha i kamjooh kiwa da rep nadooh warim. I boon kini ki jaitbaam man ko iwa emkaam wow yada yaki baam tynre wa ki kaam ki khynroo khyllood wow kheiñkor ya ki jait baam tynre.

Da pynbood won sa i pynyoo yei rukom chet baam deiwa pynemkaam da ki jhoor wa em cha i kam wow chet ja-pathoo soo, ja-pathoo lieh wa dohsniang nai yong, jhoor thliem, dhania khloo, sohbaingon dieñ wa u nailieh. Ki khynroo khyllood na kiwa boon ki yungmane da sñiawngooh ki ya ini wa da leh yow yada wei wow pyntip ya i emkaam ki jait baam tynre wei da yoh yutip ki chiboon na kani ka Workshop.

Advertisement ad1

0 Comments

Leave a Reply