Pynman ka Jingiaseng Samla Sutnga Presbytery da ka Free Career Guidance & Counseling

Ka Jingiaseng Samla Sutnga Presbytery lyngba ka Sub-Committee kawa tip kam ka Socio Economic Life Development Committee (SELDC) da pynmna ko da ka Free Career Guidance and Counseling neibynta ki khynnah wa dep puræ Class X, Class-XII (Arts, Science wa Commerce) wei da man ko ka sien wa nyngkong ha kani ka thaaiñ.

Ya kani ka e sikai ya ki khynnah yow tip ki kam kawon ka jait puræ wa yatoh wa ki, da pynman deiwa ya krehlang waka Sacred Heart Academy, Shillong wei da pynman ha Sutnga Presbyterian Higher Secondary School, Sutnga ynne ka sngi.

Ya kani ka yalang da sdang da ki kyntien pdiang sñiawbha na u Tbn. S.L. Shadap, Chairman ka SELDC, uwa da pdiang ya waroh kiwa chah khut sñiawbha deilang waki khynnah skur heiwa da emlang ki waheh naka Presbytery kam u Rev. H. Sutnga, Rev. J.B. Paslein, Rev. R. Sutnga, ki dkhot ka SELDC wa kiwi de deilang wa ki bei ki pa ki khynnah.

Neiliang u Oversies Malang da e u yei duwai Blai heiwa hadien ini da e kit wow pynlai yaka yalang da ki bru wa wan mihkhmat na ka Sacred Heart Academy.

Related posts

Rai ka Jaiñtia Joint Alliance wow lai cha ka yung bichaar yei rukom kreh ya ka madan Artificial Turf ha Ladjaplem

August 16, 2025

Yachem ki waheh chnong wa u Contractor chwa wow sdang chna ya u sarok Pdengshakap-Amlarem 

August 16, 2025

U H. Paslein da chim u ka bynta wow pyntipmit ya ki bru chemphang kiwa e yei batai wa kynthup ya u M. Das, Founder ka SCHA Shillong, u Professor V.R. Rao, Retired HOD Department of Physics ka St. Edmunds College, Shillong wa u E. Suting, Founder ka Good Shepherd School, Khimusniang, Jowai.

Ki khynnah wa em da ki spah ngut da yoh myntoi ki na kani ka e sikai wei da yoh ki leh wow ya phyllu yaklam heiyatoh wa ki jait puræ wa sñiaw ka’it ki.

Da pynkut ya kani ka yalang da ki kyntien sñiawngooh wa da e da ki khynnah wa i duwai Blai wa da e da u Rev. D.H. Malang, Excutive Secretary Jingiaseng Samla Sutnga Presbytery.