Ka JSU Labang Nangphyllut Circle ynne ka sngi da pynman ko ya i yachemlang lyngba i chaad tynre heiwa waroh kiwa chong chnong wa kynthup ya ki waheh chnong na ki chnong waphær waphær kiwa em hapoh Block-I da wanlang ki cha kani ka tamasa.
Ha kani ka tamasa chaad tynre da wan sakhi da ki dkhot ka JSU seiñbei heiwa u Treiborlang R Suchen da man u kam u kongsan ryngkat i emlang u Vice President ka seiñ, u Aplang Lamare wa uwa e buit ka seiñ u Heibor Pariat wa kiwi kiwi.
I thmu wow pynman ya kani ka tamasa toh wow pynim ya ka riti ka dustur tynre wei i rukom sap rukom kup ki jaitbru Pnar kiwa chong hapoh Block-I namo hapoh ka Elaka Labang Nangphyllut. Man ko leh ka sien wa nyngkong tam wa pynman kam kani ka tamasa heiwa ka seiñ JSU da ye ko wow pynman khnang wow man ko leh i yachemlang ki khon wa chong ha kani ka thaaiñ wei wow e mynsien wow man kiwa chngaaiñ wei ymtoh u sñiaw ki wa sah samen ki hanla em ki cha kawi ka thaaiñ.
U Treiborlang R Suchen hawa e i klam da e u ya ki kyntien sneiñ kyntu cha ki paidbah wei da ong u wa kam ka jaitbru emkaam wow pynim ya ka ktien thylliej, ka riti ka dustur wei wow kiar nei chongkha khleh neibhah wa man i ka jaitbru wa kyrpang wa e jait e kur i cha ki kynthai.
Ya kani ka yalang da pynlai da u Chemhok Kyrweng wei da yoh ki kyntien pdiang burom na u President ka Labang Nangphyllut Circle, u Salbius Myrten wei da pynkut ya ka da ki kyntien na u General Secretary, u Rajesh Tamaha.
