15 49.0138 8.38624 1 0 4000 1 https://wyrta.com 300 0

Advertisement ad1

Pynman ka KSU Nartiang Circle yaka 1st Mait Shaphrang Academic Award

0 Comments

Jowai: Ka Khasi Students Union Nartiang Circle ha kani ka 12 tarik wa da dep da pynman ko yaka yaka saam khusnam kawa tip kam ka 1st Mait Shaphrang Academic Award ha Ramkrishna Mission School Nartiang. Kani ka saam khusnam man ko kam chibynta wow pynchlur wei yow e mynsien yaki khynroo khyllood ka thaaiñ kiwa poi chakhmat ha ka puræ puthi.

Ha kani ka sngi da emlang u President ka KSU (CB) u Lambokstarwel Marngar kam u kongsan wa u Daniel Khyriem kam u symbood kongsan, kiwa yahkhmat yong ka District Body hei emlang kiwa yahkhmat ka chnong, kiwa sikai, ki manbei manpa, wa kiwi kiwi.

Da em hadooh kamwa 13 ngut kiwa da yoh wow pdiang ya kani ka khusnam wa da e daka seiñ.

Hawa e yei klam haka yalang, u Lambokstarwel Marngar da ong u wa ka juk kawa katni toh ka juk kawa emkaam ya i stat i tip.

“I stat i tip man ko kam ka waitlam kawa mait luti ha kawon kawon ka kaam yow prat luti lada man ko ha i im samen, næ ha i im kawa yatoh waka imlang sahlang, wei kawa emkaam dooh toh wow seiñdur yaki kaam kiwa yatoh wow yada yaka ri wei wow yada yaka ri wa ka jaitbru,” da ong u Lambokstarwel Marngar.

Ha kani ka sngi da yoh leh ya i klam na u Daniel Khyriem uwa yahkhmat warim ka KSU wa kiwi kiwi kiwa yahkhmat ka seiñ.

Da pynchongchit chooh chooh ya kani ka yalang da iwa chimbynta ki khynnah skur haka chaad tynre.

Advertisement ad1

0 Comments

Leave a Reply