Pynman ka Lumsharatoh Sports Social & Cultural Club da ka Marathon yow lehkmen Republic Day

Ka Lumsharatoh Sports Social and Cultural Club, Ummulong deiwa ya krehlang wa ka yung krehkaam u District Sport Officer, West Jaiñtia Hills District da pynman ko ya ka 1^st Republic Day Marathon 2026 hajrong ka phang “Say No To Drugs”.

Ha kani ka Marathon da wan chimbynta 57 ngut nadooh ki khynnah, ki khynroo, ki manbei wa ki manpa. Hachwa u sdang, da pynman ka yalang wa tbian wa da pynlai da u Cleofast Bamon wei da yoh yei klam na u Rangbah Dong, u Arbiangki Shullai uwa da ban joor wow kiar nei dih pynmuaid kiwa ktah yei chait i khiah kamjooh ya ka chongsuk chongsaiñ ka imlang sahlang.

Da yoh leh yei klam na u Dominic Phawa uwa man u Adviser ka Dong uwa da klam hajrong i chah ktah ki khon khynroo hei Drugs deiwa ong leh wa emkaam i ya krehlang waroh kiwa chong chnong wow kiar nei dih pynmuaid wa boonjait kiwa ktah yei bor pyrkhat wa i chait i nang yong i ki bru.

Cha kiwa jop yei phet Marathon da saam ya ki Prize wa kynthup ya ka song poisa, Certificate wa ki Medal wei da pynbood sa i kyntien khublei na u President ka Sports Club, u Dominic Paslein.

Ka Maraton Race neibynta ki Senior wa ki Junior da man ko 5 Km katwa ya ki Sub-Junior man ko 2.5 Km.

Kiwa jop ha kani ka Marathon man ki kamni:

Senior Male (18 snem chaneiñ):

1^st Ribhaki Lamare (22.25 Min)

2^nd Richard Mynsong (22.50 Min)

3^rd Albert Phawa (25.36 Min)

Senior Female (18 snem chaneiñ):

1^st Lily Immaculate P. Thubru (30.40 Min)

2^nd Jennyfer Suting (33.10 Min)

3^rd Sambhaki Phawa (36.57 Min)

Junior Boys (12 – 16 snem):

1^st Eboklangki Lamare (24.12 Min)

2^nd Alfredo Challam (26.49 Min)

3^rd   Rodyson Phawa (27 Min)

Junior Girls (12 – 16 snem):

1^st Rimidaka Kyndiah (33.40 Min)

2^nd Sanika Pyngrope (35.20 Min)

3^rd  Dasani Muksor (37 Min)

Sub-Junior Boys (Hadooh 12 snem):

1^st Risukhermi Pyngrope (20 Min)

2^nd Adrian Muksor (22 Min)

3^rd  Deilang Muksor (23 Min)

Sub-Junior Girls (Hadooh 12 snem):

1^st Ksannia Kyndiah (26 Min)

2^nd Joyful Vailankani Thubru (30 Min)

3^rd  Vana Doreen Muksor (32 Min)