Ka Meghalaya Bharat Scouts & Guides, West Jaiñtia Hills ynne ka sngi ha ka thong wow pynman ya ki khon kynthai kani ka Movement kiwa tip chaphang ki hok wa i kaamram hapoh ka imlang sahlang da pynman ko ya ka Seminar wa ong “My Rights and Me as a Leader” Under “Her World Her Voice”.
Ya kani ka Seminar da pynman ha Thomas Jones Synod College, Jowai wei ha ka yalang yahkhmat wa pynlai da ka Dolly Lamare, Asst. Organising Commissioner Guides da sakhilang leh da ka Catherine Nongkseh, STC & SOC Guides, ka Dashimti Kharkongor, ASOC-Guides wa ka Shimtilang Kharbuli, State Project Coordinator, State Headquarter, Shillong nalor ka Lamisaka Lytan, Vice-Principal Thomas Jones Synod College, Jowai kam ka symbood kongsan wa u W. Lyngdoh, State Secretary MBS&G, State Headquarter Shillong kam u kongsan yong kani ka program.
Ha kani ka Seminar dawan chimbynta da ki Guide Captain deilang ki khynnah Guides wa ki Rangers kiwa dawan na ki skur waphær wa kynthup ya ka St. Mary Mazzarello Hr. Secondary School, Jowai, Seiñraij Secondary School, Jowai, Little Angels School, Moosalyngkat, Jingshai Mihngi Adventist School, Mihmyntdu, Achiever Secondary School, Ummulong, Lissi Pearls School, Mukhla wa ka Thomas Jones Synod College.
Ka Rosie Bang, District Organising Commissioner Guides wa ka Shimti Nongtdu (Ranger) kam ki bru stat bru chemphang yong kani ka Seminar da klam da batai bniah ki ya ki khynnah chaphang ka thong yong kani ka program kawa man chibynta ka luti wow kyrsu kyntu wei e mynsien ya ki kynthai wow man kiwa tip yei hok wei kaamram kam kiwa chnong chnong kiwa em i kitkhlieh wei kitkhia yei miat i bha ka imlang sahlang.
