Ka Mih-Myntdu Community Social Welfare Association (MCSWA) kawa pynkreh yaka Targeted Intervention Program hapoh ka Meghalaya AIDS Control Society, da pynman ko yei pynsñiawthooh namo ka Sensitization Program wa tip kam ka ‘Caring Together’ (Counselling and Raising Awareness about Drugs among Families and Spouses of People Who Inject Drugs) ynne ka sngi ha Yutran Inn, Jowai deiwa kyrchaan ka District Social Welfare Officer (DSWO), West Jaiñtia Hills District.
Da pynlai yaka yalang da u Philemon Lamare uwa man leh kam u Program Manager, MCSWA TI-IDU Project.
I thmu kani ka sngi toh yow pynsñgiawthooh ya kiwa ha-yung yong kiwa pait wei sumaar hapoh ka MCSWA TI-IDU hajrong i ktah i kyrni pynemkaam drugs yaka yung ka sem kamjooh leh hei im samen kiwa da ngop hei dih pynmuaid kam i drugs, chooh chooh u pynsñiawthooh ya kiwa ha-yung wa i kyrni drugs man ko i kjut, kamjooh leh u pynche næ u pynsñiawthooh hajrong i em yong ki thaw sumaar waphær waphær ya kini ki jait kjut hapoh ka chnong ka thaw yong i.
Ya ki kyntien yahkhmat da e da ka Bininma Sumer kawa man leh kam ka Outreach Worker, MCSWA TI-IDU.
Neiliang u Aris J. Nongkynrih uwa man kam u Chief Functionary kamjooh leh u Project Director yong ka MCSWA da klam wei e mynsien u ya kiwa ha-yung yong kiwa pynemkaam drugs wei kyrmen u leh wa daw yoh i kylla deiwa ya krehlang chirup wa ki bei ki pa kiwa pynemkaam drugs wei kamjooh leh waka chnong ka thaw.
Da yoh leh i klam na u bru chemphang, u Arborlang Thangkhiew uwa man leh kam u Prison Project Manager, YRG Care Prison Intervention uwa da batai chaphang ka Counselling and Raising Awareness about Drugs among Families and Spouses of PWID (People Who Inject Drugs).
Da yoh leh i klam naka Dr. A. Paswet kawa man leh kam ka Medical Superintendent yong ka Jowai Civil Hospital Ialong, West Jaiñtia Hills hajrong ka phang Effect of Drug Addiction, Benefits of OST (Opioid Substitution Therapy) heiwa da pyntip ko wa ka MCSWA TI-IDU leh wa man ko kawi na ka OST Centre ha Jowai.
I pynche yei emkaam u kyrchaan ya ki bru, ki khon ki kti hadooh ki kurim wa da ngop ha u drugs da e da ka Narisha C Challam kawa man leh kam ka Counsellor yong ka MCSWA TI-IDU, kawa da ong emkaam bha i chimbynta yong kiwa ha-yung ha-sem waphær waphær hei ya syllok wa da pynlai da ka DIC (Drop in Centre) (MCSWA TI-IDU) deiwa wan mih lang ki cha kani ka thaw wei ym hoi u sarom ki u wan yah yaki khon næ kiwa ha-yung ha-sem wa emkaam yarap.
Wow pynsñiawthooh chooh chooh ya kiwa ha-yung yong kiwa da jooh maad yei drugs kiwa da wan phah sumaar ha ka MCSWA TI-IDU, neiliang ki Internship Student kiwa na Martin Luther Christian University wa kiwa na Assam Don Bosco University da e ki yaka Short Play kawa da khana kammon emkaam i kyrchaan ya kiwa da chah kdoh chah khoom hei drugs wa kiwon kiwon ki jait dih pynmuaid yow yoh ki yei kylla wa i chait i khiah wa pura.
U Heipor Syngkon uwa man leh kam u Outreach Worker yong ka MCSWA TI-IDU da khana u yei lai luti wei kammon deiwa yoh kyrchaan na ka yung ka sem hadooh wa da ye u wow pynkylla yei rukom im u.
Discussion about this post