Kam chibynta ka World Rabies Day, neiliang ka Jaiñtia Hills District Unit ka Meghalaya Veterinary Services Association (MVSA-JHDU) da jooh pynman ko ya ki yalang ha ki ar District ka Ri-loom Jaiñtia heiwa ha ka 28 tarik uni u bnai kawa man leh kam ka World Rabies Day 2022 da pynman ya kini ki yalang ha ki skur wa em ha Jowai.
Ha Jowai da lai pynsñiawthooh ha ki 14 tylli ki skur yei ktah ini i kjut Rabies iwa poor na ki mrad cha ki bru wei kammon wow yada na ini i kjut hapoh ka imlang sahlang.
Ka World Rabies Day toh kawa da pynman ha kylleiñ ka pyrthai da ka Global Alliance for Rabies ka seiñ kawa na United States of America deilang waka World Health Organization waka World Organization for Animal Health wa kiwi kiwi da ka thong wow pyndooh jait yei kjut Rabies deiwa ya krehlang wei ka phang ha uni u snem toh kawa ong “Rabies: One Health, Zero Deaths.”
Ka thong leh toh wa kat ha u 2030 ym toh de u em kiwa yap nei kjut Rabies.
Ha kini ki 14 tylli ki skur ha Jowai da em 2729 ngut ki khynnah skur wa da chimbynta deilang wa 94 ngut kiwa sikai kiwa man kamni ha wah:
| SL.NO. | NAME OF SCHOOL | NUMBER OF STUDENTS | NUMBER OF TEACHERS |
| 1 | Govt. Boys’ HS School, Jowai | 141 | 5 |
| 2 | Govt. Girls’ HS School, Jowai | 395 | 8 |
| 3 | St. Mary Mazzarello Girls’ HS School, Jowai | 570 | 10 |
| 4 | Marian Hills HS School, Jowai | 101 | 2 |
| 5 | North Liberty HS School, Jowai | 340 | 6 |
| 6 | K.J.P. Synod Mihngi HS School, Jowai | 210 | 6 |
| 7 | H.K. Singh Secondary School, Jowai | 152 | 6 |
| 8 | Tome Memorial Secondary School, Jowai | 87 | 4 |
| 9 | Sein Raij School, Jowai | 192 | 5 |
| 10 | Jaintia Secondary School, Jowai | 240 | 5 |
| 11 | Jowai Presbyterian HS School, Jowai | 85 | 2 |
| 12 | Police Public School, Jowai | 65 | 18 |
| 13 | Q.C. Springside HS School, Jowai | 70 | 7 |
| 14 | Tpeppale Secondary School, Jowai | 81 | 10 |
| TOTAL | 2729 | 94 |
