Hadien wa ka sorkar Meghalaya ha ka 26 tarik uni u bnai da pynbna ko ya ki le tylli ki Regional Committee wa thymme neibynta ka Ri-Bhoi, West Khasi Hills wa West Jaiñtia Hills kam chibynta wow pynbait pood ha ka wat wa ar waka jylla Assam heiwa ha kini ki Committee da emlang ki Montri sorkar, ki MLA, ki MDC wa ki DC.
Ynne ka sorkar Meghalaya lyngba ka chnat Home (Political) da pynbna ko sa yei pyrtuid ki arngut kiwa kynthup ya u MLA wa u MDC ki wow man kam ki dkhot ka Regional Committee ka Ri-Bhoi.
Kini toh u Sosthenes Sohtun, MLA ka Jirang Constituency wa u Victor Ranee, MDC ka KHADC na Jirang Constituency.
Ini wa dep ka sorkar da pynbna ko ya ka Regional Committee ka Ri-Bhoi ka wow u khlieh da u Prestone Tynsong, Deputy Chief Minister i/c Public Works (Roads) kam u Chairperson, u Dasakhiatbha Lamare, Minister, i/c Transport kam u Member, u Mayralborn Syiem, MLA, Nongpoh Constituency kam u Member, u Jambor War, Executive Member, KHADC (Elaka) kam u Member, u Rangkynsai Kharbuki, MDC, Umroi, KHADC kam u Member wa u Deputy Commissioner, Ri-Bhoi District kam u Member Convenor.
Puræ leh: Pynbna ka sorkar ya ki Regional Committee thymme yow pynbait pood; 45 sngi e por u pyndep
