U Montri Rangbah ka jylla, u Conrad K Sangma ynne da ong u wa i kreh sorkar man iwa eh wei ka sorkar yaleh ko wow thooh laad wow seiñ khih ki bru samen, wei ya ini da ong u ha ka Rozgar Mela wa pynman da ka skurbah NEHU, heiwa da pynrap u wa ka sorkar u leh ko katwa ye wow yoh kreh ki khynroo khyllood.
Ha kani ka Rozgar Mela da pyrchang wow pyndap ya palat 7000 tylli ki reh wa lait.
Da ong u wa i kreh sorkar duna bha i khamtam ha ki chnat sorkar wei da kdaw u wa em 1200-1500 wow lait ha ka chi snem ha ki chnat sorkar wa ha ki District.
Da ong u wa hanla yaphær na u snem cha uwi tangwa em bait kamwa 1200 tylli ki kreh wa lait ha ka chi snem.
Chooh chooh da ban joor u wa ka sorkar chimkhia ko wow pynchlur ya kiwa seiñ kreh ha ki kyrdan waphær waphær wei ym em kawon ka laad kawa tip tikna toh kawa lait næ kawa toh tangwa iwa emkaam toh wow ya pyrchang katwa ye ha waroh ki liang yow pyndooh yei wym yoh kreh ki bru.
Heijooh i por da ong u wa emkaam wow tip u klam ya i ktien para heiwa ki bru na jylla Meghalaya ye ki wow thooh kreh cha baar ri kam ha China, Japan, Germany, UK wa Australia.
U Conrad da ong u leh wa ka sorkar chimkhia ko wow yarap puræ ya kiwi ki ktien khnang wow yoh kreh ki khynroo khyllood.
Discussion about this post