Ka yalang wow wai ya ka ‘Two-day camp Sitting/Public Open Hearing of the National Human Rights Commission (NHRC)’ neibynta ka jylla Meghalaya, Mizoram wa Tripura da pynman ya ka ynne ka sngi ha State Convention Centre, Shillong. Ya kani ka yalang da wan wow embynta lang da ki dkhot ka NHRC, u Justice Mahesh Mittal Kumar, u Dr. DM Mulay wa u Rajiv Jain, ki dkhot ka MHRC, u PJP Hanaman waka B. Giri, Secretary General, NHRC, u B Pradhan, ka RV Suchiang, Meghalaya Chief Secretary wa ki heh ka sorkar Meghalaya, Mizoram wa Tripura.
Hawa e yei klam, u Justice Mahesh Mittal Kumar da ong u wa neiliang ka Commission da yaleh ko wow wanrah yei pynsñiawthooh paidbah yei hok manbru longbru wei kammon wow ujor lada jia iwon iwon. Ka Commission da yaleh ko wow kynjoh leh ya ki bru kiwa em cha rood cha kdong kiwa da chah kyntait ha ka imlang sahlang yow pynsñiawthooh yei hok longbru manbru.
Ka Commission da ong ko leh wa emkaam wow yoh ya ki sarok wa biang, ka umdih, i baam, i puræ puthi, i sumaar wa ka bordiñ yow yoh ki bru wow im deiwa miat wa bha wei ini toh i bahkhlieh ka sorkar jylla wow yada ya ini i hok longbru manbru.
Da ong leh ka Commission pait ko leh kammon man hapoh ki patok, ki thaw kset ya ki khynnah, i biang i khooid i jngiar nadooh ki paikhana ha ki Police Station wa ki patok wa i slem wow e ya ki Compliance Report da ki bor sorkar.
Kamtæ da yooluti u wa ha kini ki ar sngi, ka Commission daw ye ko wow ya phyllu hajrong ki kaam wa yatoh wa i hok longbru manbru namo ka Human Rights Issues deiwa wanrah da i rukom krehkaam hapyrdi ka Commission wa ki chnat sorkar yow ye u pynbiang yei hok longbru manbru, da ong u Justice Mahesh Mittal Kumar .
Kiwi de kiwa klam toh u Secretary General NHRC, u B Pradhan, Meghalaya Chief Secretary, ka RV Suchiang wa Secretary Home (Political), u CVD Diengdoh.
