I jop ka Meghalaya la soo sien da poi ko cha wakut ha ka Vijay Hazare Trophy ha Jaipur ynne ka sngi deiwa rem ha ka Tripura da 9 Wicket.
Kani ka yalehke man ko kawa khaddooh ki yalehke heiwa ka Tripura waka Meghalaya toh ki wym pu em rem ha ka Plate Group heiwa ka Tripura da tam ko da ka Net Run Rate.
Ka Meghalaya sa chisien wei ka sien wa san da rem ko ya kylla khlem heiwa da phah ya ka wow Bat nyngkong ko.
Ha kani ka kynti, kiwa kawang bol ka Tripura da khlan palat ki heiwa ka Meghalaya da ye ko wow kamai du 116/10 na ki 39.5 Over. Uwa yalehke Guest Professional Chirag Khurana da kamai boon dooh u ya ka Meghalaya da 55 Run.
U Chengkam Sangma (1/25) da ye u wow tyngkheiñ ya kiwa wan wow sdang yei kdong Run ka Tripura pyn haka Over wa nyngkong tangwa ym em de haap Wicket hadooh wa kut wa da yoh ka Tripura 118/1 na ki 28 Over yow jop.
Ini mut wa da yoh nyngkong ka Tripura ha kani ka Group wei da yoh wa ar ka Meghalaya deiwa rem du chisien donhi.
