Ka NSS Cell, NEHU da pynman ko yei e sikai hajrong ka Yoga ynne ka 13 tarik ha Community Hall, NEHU kam ka dak wow lehkmen ya ka International Yoga Day ha ka 21 tarik u bnai wow wan.
Kani ka e sikai da pynman hei yakrehlang waka Meghalaya Yog Samiti, Shillong heiwa da chimbynta da ki dkhot ka NSS na ki College waphær waphær ka Shillong.
U Dr. M. M. Khymdeit, NSS Programme Coordinator, NSS Cell, NEHU da e u ya ki kyntien pdiang burom.
U Prof. S. B. Prasad, Vice-Chancellor Incharge da man u kam u kongsan hei emlang u F. Rumnong, State NSS Officer, kam u symbood kongsan.
U Dr. S. Kharmawphlang, NSS Programme Officer, NSS Unit, NEHU, Shillong da e u ya ki kyntien khublei.
Hadien ka yalang da pynman ya ka Common Yoga Protocol katkam i batai ka Ministry of Ayush da ka Meghalaya Yog Samiti heiwa da pynyoo ya ki Yoga Asanas.
Kani ka e sikai da kut ko da i e ya ki Certificate cha kiwa chimbynta da u F. Rumnong, State NSS Officer, ka sorkar jylla.
