theme-sticky-logo-alt
theme-logo-alt

Chah kyrriah ki DC ka East wa West Garo Hills

U DC ka West Garo Hills wa u DC ka East Garo Hills da chah kyrriah ki ha ka hukum ka sorkar kawa da pynmih ynne ka sngi.

U Ram Singh uwa man kam u Deputy Commissioner ka West Garo Hills da kyrriah noh ya oo deiwa thung noh ya oo kam u Secretary ka sorkar Meghalaya ha ka chnat Finance.

U Swapnil Tembe uwa man kam u Deputy Commissioner ka East Garo Hills da kyrriah noh ya oo heiwa da thung noh ya oo kam u DC wa thymme ka West Garo Hills.

Kiwi de kiwa da chah pynkhih toh u Ramakrishna Chitturi uwa man kam u Joint Secretary ka sorkar Meghalaya ha ka chnat Finance wa Community & Rural Development wei daw man u leh kam u Joint Secretary ka chnat Planning Department.

Ka Mitali Chandra kawa man kam ka Sub-Divisional Officer (Sardar) East Khasi Hills da kyrriah ya ka yow man noh ko kam ka Under Secretary ka sorkar Meghalaya hapoh ka chnat Health & Family Welfare Department, ka Additional Mission Director, National Health Mission wa kam ka Director ka Meghalayan Age Limited (MAL) hapoh ka chnat Tourism.

U Levenstone C. Marak, MCS, Additional Deputy Commissioner, East Garo Hills District daw man u leh kam u Deputy Commissioner wa thymme ka East Garo Hills najrong ki kaam wa da ksoh chwa u.

Share this:
Previous

Pynman ka NSS Cell, NEHU ya i e sikai Yoga

Next

Rah ka North Liberty ya ka Inter School Athletic Meet ka West Jaiñtia Hills