Pynman ka NSS Unit ka Shangpung College yei e snaam sñiawbha

Ka NSS Unit yong ka Shangpung College hapoh i yahluti yong u Dr. D.G. Lyngdoh, Principal ka College wa u Emmitre Iakai, Assistant Professor yong ka College uwa man leh kam u Programme Officer yong ka NSS Unit, ynne da pynman ki ya ka e snaam sñiawbha (Voluntary Blood Donation Camp) deiwa ya krehlang wa ka Kyrmen Foundation deilang ka Jowai Civil Hospital Blood Centre.

Ha kani ka sngi da emlang leh u Mihnyngkong Sutnga, MDC ka Shangpung kam u kongsan wei da ong u wa i e snaam hi toh kawi na ki kaam wa kongsan næ kawa bha tam u yarap ya kiwi tawon ki bru. Da kyntu u ya ki khynnah puræ wa ya ka College hi waroh kawi wow nang pteiñ ki u leh kam kini ki jait Blood Donation Camp wa kiwi de ki kaam wa bha kiwa tei ya ka imlang sahlang hi waroh kawi.

Kiwa da yoh u e snaam da em ki 13 ngut ki khynnah puræ kani ka College deilang wa 2 ngut kiwa sikai na ki 26 ngut kiwa da wan chakhmat wow e pyrtuid.

Da pynkut ya kani ka Camp da ki kyntien e khublei na u Emmitre Iakai deiwa kyntu u ya ki Volunteer wow nang pteiñ ki u leh ya ki kaam kiwa bha dei wym ñiaw næ thaw yei yaphær niam næ jaitbru.

Related posts

U kyrriah ya ki Cable yow pynmiat ya ka Shillong chwa ka National Games

June 30, 2026

Lai ka naam Achiever of the Month cha uwa seiñ khih ha Shillong kiwa chna Design wot ya ka Microsoft

June 30, 2026