Jowai: Ka Officers Club ka West Jaintia Hills Jowai ynne ka sngi da lehkmen ko ya ka sngi kyrpang ki khynnah namo ka Children’s Day ha Thomas Jones Synnod College, Jowai hajrong ka phang “Together we can” wei da chim leh ya ka laad wow e khubor cha ki khynnah wa puræ High School wow pynche ya ki da ki kyntien wow yah luti ya ki wow pynchlur ya ki ha ki luti wow lai ki da ki klam ki bru wa chemphang.
U D.M. Wallang, Additional Deputy Commissioner ka WJH hei klam yong oo da pynchlur u ya ki khynnah wa puræ wow em ki ka thong wa che wa kwah ki u poi deiwa ong wa i pyrkhat pyrdaiñ yong i man ko kam ka kpær kawa ye u thung kiwon kiwon ki symbe wei hap yait i kammon wow lait wow rep ya ki symbe wa sih.
Chooh chooh da ong u wa emkaam u yait ya ki kaam wa sih wei wow kdong ya ki kaam wa bha.
Ha kani ka sngi ka Clinical Psychologist ka Shelomi Synkon da klam ko ya ki kaam wa ktah ya ki khynroo khyllood kammon wow yaleh ki yei pyrchah i khia ka yukit ka puræ puthi wei kammon wow lait wow chah kdoh chah khoom ha ki jait dih wei kamjooh yow lait na i chim yei mynsien yong i hi.
Discussion about this post