15 49.0138 8.38624 1 0 4000 1 https://wyrta.com 300 0

Ka MeECL dang krehkaam ko kam ka MeSEB kawa wanrah du i doohnong ya ka jylla: PAC

0 Comments
Advertisement ad1

Shillong: Ka Public Accounts Committee (PAC) ka sorkar jylla Meghalaya da beiñ joor ko ya i tlot i rukom krehkaam ka Meghalaya Energy Corporation Limited (MeECL) deiwa ong wa dang kreh hi ko kamwa krehkaam ka MeSEB kawa nachwa.

Hawa yaklam wa ki laad pathai khubor hadien wa phah wan ya ki sahep ka MeECL wow pynche ki ynne ka sngi, u Chairman ka PAC u Charles Pyngrope da ong u hanlada ya ka Meghalaya State Electricity Board (MeSEB) katni da yabhah ya ka cha ki le tylli ki chnat ka Distribution, Generation wa Transmission, ym yoo i phær ha i rukom kreh ko wa ki soh wa mih na ini.

U MLA ka Congress na Umroi u George Lyngdoh da ong u wa hanlada kylla pyrtuid cha ka MeECL ym em ku i yoh nong, i rukom krehkaam wa i pynbiang ya ki bru wa kreh wei da boh ka CAG ya waroh ki chnat ka MeECL.

Heijooh i por u Lyngdoh da ong u ha khmat ka Commmittee wa da wanrah ki heh ka MeECL ya ki laad ki luti wa da leh ki yow pynku ya ka krehkaam kani ka chnat tangwa dang man hi ko kawa tkoh.

Yeini da kdaw u yei rukom khrong bai bordiñ wei pynyoo dang krehkaam hi ki kam ka chnat sorkar ym toh kam ka Corporation.

Chooh chooh da ong u wa ka MeECL dang im ko deiwa chim ram na ka sorkar wei ka ram wa sah toh 90:10, heiwa ka 90% toh ka ram katwa i yoh nong man ko du 10% iwa pynyoo yei tlot i krehkaam ka MeECL.

Neiliang u Himalaya Shangpliang da pyntip u wa ka da phah ko ya kani ka chnat wow pyndep smat wow chna kamjooh wow kylliang ya ki Transformer wa da sih khamtam cha ki thaw nongkyndong.

Da e nongmuna u kam cha ri-loom Garo da em ki MLA wa su na ka MLA Scheme yong ki wow chna ya ki Transformer neidaw wym ye de u yang ya ka MeECL wow wanrah ki ya u Transformer wa thymme.

 

Advertisement ad1

0 Comments

Leave a Reply