Pynman ka One Stop Center yaka pynsñiawthooh paidbah yei yarap wa e cha ki kynthai wa ki khynnah wa chah thombor

Kam chibynta wow leh warom ya uni u Naichiphaw (October) uwa da tip leh kam u Domestic Violence Awareness Month (DVAM) namo wow yaklam ya pynsñiawthooh yei chah lehbeiñ chah thmobor ki kynthai ki khynnah ha ki manyung mansem. Neiliang ka yung krehkaam yong ka One Stop Centre (OSC), ka District Social Welfare Officer (DSWO) deilang waka Police Department, District Mental Health Programme (DMNHP), East Jaiñtia Hills, Khliehriat, da pynman ki yaka yalang pynsñiawthooh paidbah hajrong ka phang “Awareness on Violence against women/suicide and services available at One Stop Centre”.

Ynne ka 15 tarik da pynman ya kani ka yalang ha Ladrymbai Datsympein wei ya kam kini ki jooh ki yalang daw pynman ya ki ha ki sngi wow wan ha kiwi kiwi ki chnong hadooh wow kut uni u bnai.

Ka OSC toh ka yung krehkaam wa e yarap ya ki kynthai/khynnah kiwa chah lehbeiñ chah thombor wa kiwi kiwi iwa tah ya i hok yong ki.

Ki phang krehkaam yong ka OSC:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

1. Emergency Support: Deiwa ya ksohkti lang wa ki pulit, ki Hospital, wa ki Women Helpline 181(Toll free number). Ye ki wow phah yaka Ambulance, PCR wow pynlait ya kiwa chah thombor.
2. Non-Emergency Support: Ki yarap kiwa wan hadien wa dep ki kaam wa nyngkong kini toh:

• I e yarap wow yoh sumaar.
• Ki yarap heiyatoh waka aiñ.
• I yarap ya ki kynthai wow e FIR/DIR.
• I ya syllok .
• Ki thaw sah wa chi por.