Jowai : Ka Seiñ Manbei yong ka Panaliar kam chibynta i kynmoo maya yei dap 100 snem i Yungwalieh ka Panaliar da pynman ki ya ka Awareness Programme ynnin ka 16 tarik ha jrong ka phang “Family issues.”
Ya kani ka programme da phiah ha ki ar tylli ki bynta kawa klam ya ki manyung ha ka imlang sahlang ha kini ki sngi “Challenges faced by families in society today” wa i yoh kurim dang khian “Teenage Pregnancy” heiwa ya kani ka phang da klam da ka Dr. C.Q. Bamon, Ayurvedic Physician Ummulong CHC wa ka kong Marygold Papiah, Adolescent Health Counselor ha Laskeiñ CHC.
Ha kani ka sngi u Waheh Shape Paswet General Manager District Commerce and Industry East Jaiñtia Hills District da man u kam u kongsan. Hei klam yong oo da yaroh u ya ka seiñ manbei wa da kreh chitom ki u pynman ya kani ka programme, heijooh i por leh ong u wa ki manyung toh ka chlem e sikai kawa nyngkong tam, kamtæ i hun i suk sdang chwa i na yung iwa yah leh sa i chngaiñ hapoh ka chnong ka thaw.
Ha kani ka sngi da em kamwa 100 ngut kiwa wan chimbynta ha kani ka yalang wei ki leh da yohlaad ki u pachat yumut wei u ya phyllu yumut hei yatoh wa ki ar tylli ki phang ha kani ka sngi.
Discussion about this post