Khliehriat: Ka seiñ Southern Border Youth Welfare Association (SBYWA) Elaka Lakadong & Rymbai, East Jaintia Hills District, Khliehriat da pynman ko ya ka pynkhooid chnong (Cleaning Drive ) ynne ka sngi 13 tarik ha chnong Umlyngsha deiwa ya krehlang wa ka Dorbar Chnong Umlyngsha.
Kani ka pynkhooid chnong da man ko kawa jop heiwa neiliang ka chnong da yamih paidbah ki deilang nadooh ki waheh, ki kynthai wa chynrang da mih ki wow ya pynkhooid ya ki soodong sookun yong ka chnong.
Ya kani ka Cleaning Drive da yarap kyrchaan poisa da ka yung krehkaam u Deputy Commissioner EJHD lyngba ka Planning Department heiwa ka seiñ da jied ko wow pynman ya ka ha chnong Umlyngsha.
Kamtæ na i liang u waheh chnong ka Umlyngsha u M. Syrti da pynsñiaw u yei sñiawngooh ya ka seiñ SBYWA kawa da jied ya ka chnong wow pynman ya kani ka pynkhooid chnong kam chibynta ka khooid ka suba yong ka chnong heiwa da kitbok u ya kani Association yow yoh chooh chooh ko u e yei chakri ya ki paidbah yong ka thaaiñ lyngba ki kaam wa bha.
Neiliang u S. Shadap President SBYWA da pynsñiaw u yei sñiawngooh ya ka yung krehkaam u DC, EJHD kawa da yarap wow pynman ya kani ka pynkhooid chnong kamtæ da yooluti wa daw e chooh chooh u i yarap neini cha khmat.
Discussion about this post