15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynman ka sor Shillong ya ka Cherry Blossom Festival wa nyngkong hapoh India

0 Comments
Advertisement ad1

Shillong : Ka sien wa nyngkong hapoh ka ri India, ha Shillong da pynman ya ka Cherry Blossom Festival kawa da wan wai da u Dr Mukul M Sangma ha ka yalang wa pynman ha madan Polo, Shillong hei emlang kiwi ki montri, ki seiñ bhalang, ki khynnah skur kamjooh leh wa kiwa wan uiñke sawari.

“Ki dieñ Cherry Blossom toh kiwa mih pahooh ha ka jylla Meghalaya kamtæ toh u chim kabu i ya ini deiwa pynman ya ki kam ki wi na ki daw wow riñ ya kiwa uiñke sawari kiwa kwah u lait na i chit ki thaw ki chnong yong ki kamjooh yow wan pynlut por ki cha ka jylla yong i yow lait ki na luti wa man ka sngi yong ki.” ong u Dr. Mukul Sangma.

Ya kani ka Cherry Blossom Festival da pynman hei yakrehlang wa ka Institute of Bioresources and Sustainable Development (IBSD), ka National Institute of Department of Biotechnology yong ka sorkar India.

U Prof. Dinabandhu Sahoo, Director IBSD, uwa e buit wow sdang ya kani ka Cherry Blossom Festival ha India da ong u wa kani ka lehkmen daw chna laad chna luti ki ya kiwa boon hapoh Meghalaya. Da ong u leh wa ya kani ka Cherry Blossom Festival da pynbood katkam wa man ha Japan wei toh u yakrehlang wa ki yow wanrah leh boon kiwa uiñke sawari.

Da ong u leh wa ka IBSD i thong yong ka toh wow kynrong ya i yoh i kot ki bru lyngba ki khih ki wym ktah ya ka bei rymaw deiwa chim kabu ya kiwa da em chwa wa da e mynkna ka rymaw.

U Chief Secretary ka jylla u KS Kropha IAS, ong u wa ym hoi u kheiñke ya i bor ka Tourism neibhah ka ye ko u wanrah boon i kylla hapoh ka jylla yong i wei yooluti u wa ha ki snem wa daw wan kani ka Cherry Blossom Festival daw heh chooh chooh ko wei u tipmit ka pyrthai ka waroh ka wi.

chryblsm1

chryblsm2

Share this:
Previous

Wai ka Ampareen ya ka yaaw ka jylla ha ka IITF

Next

Ka-it mynsien ki khynnah dai kwai wa dong ha Jowai