Pynman ka SRJ da i lai kjat cha iwi na ki thaw wa kyntang ki khon ka Niamtre

Jowai: Ynne ka sngi ki khon ka Niamtre hapoh ka Seiñ Raij Jowai da lai kjat ki cha Madan Lariang, Ialong kawa man kawi na ki thaw wa kyrpang wei kyntang ya ki khon ka seiñ.

Chwa wow sdang ka lai kjat da em ka yachemlang ha Myngkoi Pyrdi, Loompyrdi Iongpiah heiwa da yoh ya ki kyntien ngooh blai na u Dolloi chwa wow sdang kani ka lai kjat.

Manda poi ha Madan Lariang Ialong da em ka yalang wa tbian heiwa da khana ya ka parom hei yatoh wa kani ka thaw wa ka Blai Um da u Dolloi ka Elaka Jowai u Puramon Kynjing.

Ha kani ka sngi da yoh leh yei klam kyrsu kyntu na u G. H Bareh, u Jaitda-oo Sumer, u R. Thawmon Bamon wa na u H.C. Pakyntein.

Chwa wow kut da yoh ya ki kyntien sñiaw ngooh na u Sien Lato uwa man leh kam u Secretary ka K.K.C Seinraij Jowai.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026