Pynman ka SULSS ka Jingiaseng Samla War Sepngi District ya ka Career Counselling

Ka Social Upliftment and Livelihood Sustainability Society (SULSS) yong ka Jingiaseng Samla War Sepngi District, War Jaiñtia Presbytery da pynman ko ya ka Career Counselling kawa da yarap poisa da u Deputy Commissioner, West Jaiñtia Hills District lyngba ka Chief Minister Youth Development Scheme 2022-23 ha chnong Mawlong deiwa ya krehlang wa ka Jingiaseng Samla Balang Presbyterian Mawlong.

Ya kani ka yalang pysñiawthooh ya ki laad kreh laad lai puræ puthi da pynlai da u Chairman yong ka Society, u W. Lamin (Rangbah Balang) wei da yoh yei puræ sdang wei duwai na u Marshall Manner deiwa emlang u H. Pohthmi, MDC & Deputy Chairman yong ka JHADC kam u kongsan.

U bru chemphang ha kani ka sngi toh u M. Kharpran, Block Project Manager MSRLS, Amlarem BMMU wei hadien wa pyndep yei klam da yoh won sei klam na u Rev. J.M. Manner.

I thmu yong ka Society lyngba kani toh yow yarap ya ki khynroo khyllood ka chnong wa ka Balang wow tip ki u jied ya ki laiñ puræ puthi wei wow tip ya ki laad kammon wow seiñ kaam seiñ jaam khnang wow ye ki u yieñ hei kjat yong ki hi.