Ynne i step, ka Synjuk ki Waheh Chnong Jowai hei yahkhmat u Treasurer yong ka, u D.H. Pde uwa man leh u waheh chnong ka Chilliangraij, u HC Dkhar, waheh chnong ka Mooralong neitæ u waheh chnong ka Carolin Colony u E. Lyngdoh wa u Assistant waheh Chnong ka Lion Club Mission Compound, u Shlur Sumer kam chibynta wow e burom yaka bei rym-aw kawa da ker ya i ki bru pyrthai, da pynman ko yei thung dieñ namo ka Tree Plantation Drive nadooh ba Band Um wa em ha Chahtngit ter ter hadooh hajan yingkieñ Pamblah (yingkieñ Myntdu).
Ha kani ka step da thung kamwa 65 tylli ki tre dieñ nadooh ki dieñ Champa, dieñ Sachram wa ki dieñ Puma.
Hajrong ini, neiliang ka synjuk da kyntu ko ya waroh kiwa chong chnong ka Jowai wow bood ki ya kani ka nongmuna wa bha neibynta ka mynried yong i yow yoh yaka la-ær kawa khooid kawa suba yow riñ mynsien.
