Ka Tuber Biker’s & Tour Association ynne ka sngi da lai pynkhooid wei da pynman ko yei pynsñiawthooh ha Pamra Paithlu PHC hajrong ka yurim wow pynneh yei khooid i jngiar wei wow pynman ya i thaw wa yirngam.
Ha kani ka sngi da e sñiawbha da ka kor sait pchem cha kani ka thaw sumaar heiwa da pynman leh yei thung dieñ ha kani hi ka thaw.
Ha ka yalang wa tbian wa pynlai da u President ka seiñ, u Dinesh Sana wei da pynche chaphang kani ka Association da u Secretary, u Firstmayborn Ryngkhlem.
Ka seiñ da lai luti ko nadooh u snem 2019 heiwa da jooh e yarap ko cha ka HWC Tuber Kmaichnong, ka Hynniaw Thyndai Child Care Institute, Tuber Kmaichnong, cha ka Tuber Kmaishnong Social Cultural & Sports Club wa ynne ka sngi won ha kani ka PHC.
U Waheh Chnong, ka Tuber Kmaichnong, u Jiedlang Sana da kyntu u ya ki dkhot ka seiñ wow chakri hok ki ya kiwa emkaam yarap.
Hawa kut da e ki kyntien e khublei na u President warim ka seiñ, u Bida Kyndait.
Discussion about this post