Ka VDP Padu Bah Shnongpdeng ynnin ka 19 tarik hapoh i yahkhmat u Justin Pohthmi kam u President, u Dikermi Mukhim kam u Secretary deiwa ya krehlang waka chnong da pynman ki ya ka yalang pynsñiawthooh paidbah namo ka Awareness Program hajrong ka phang “Ka Jinglong Briew Man Briew” ha pchem skur ka Padu Higher Secondary School.
Ha katai ka sngi da ya emlang leh ki bru rangbah, ki manbei, ki manpa, kiwa sikai skur wa ki khynnah skur.
Da yoh leh yei klam na u MLA warim ka Amlarem Constituency, u Stephanson Mukhim uwa da man leh kam u kongsan.
Da yoh leh i klam na u Deputy Chairman ka JHADC uwa man leh kam u MDC ka War-West Constituency, u Het Pohthmi wa na kawi ka sahep pulit.
Ya ki ktien sneiñ wa da yoh toh wa kam ki manbei manpa toh u sneiñ wei wow paitbniah ya ki khon ki kti khnang wow lait ki nei chah yah bakla ha kani ka juk wa katni neibhah wa dap sadu i sih suda.
Da yoh leh yei klam na u Rev. T. Lamin wa kamjooh na u Dr. Arvind Khonglah.
