Ka VDP Raliang ynne ka 14 tarik da pynkhooid pynsaar ko ya ki sarok nadoh Ialip hadooh Umlangpriñ, Ialip hadooh Ramayang, Ialip hadooh Khloo Maheg kiwa haap hapoh u pood u ang yong ka Dorbar Chnong Raliang deiwa ya chimbynta lang waroh ki dkhot ka VDP ka chnong hei yahkhmat u President, Secretary wa u Naik chirup waka Raliang Outpost.
Kani ka pynkhooid namo ka Cleaning Drive yong ka VDP man ko kawa laibait lai ryntih deiwa ya krehlang waroh ki dkhot. Da booh leh yaka kyrpaad ya waroh kiwa lai wa wan kamjooh kiwa yah kari kamai kamjooh ki kari bru samen wow sñiawbha ki u ya krehlang waka chnong wa ym hoi dei u noh ki ya ki Plastic, ki klong um, bilor, jhep heipor wa lai lyngba ki ya ka chnong.
Khaddooh khadwai da e khublei kyrpang nadooh u Waheh Chnong Raliang, ka CHC Laskeiñ, waka ka Outpost Raliang.
Discussion about this post