Pynman ka WJSU ya ka Election jied President

Ka Election Committee ka seiñ ki khynroo wa lai puræ yong ka thaaiñ War Jaiñtia kawa tip kam ka War Jaiñtia Students’ Union (WJSU) da pynman ko ya ka Election jied President kawa da e pyrtuid 5th Presidential Election ha ka 30-05-26 ha chnong Thangbuli, Amlarem Civil Sub-Division neibynta ka samoi krehkaam 2026-2029.

Ha kani ka Election jied President da em ar ngut ki kyrtong, kitæ u Bayoulad Khonglah (Sohkha-Lamin-Nongtalang Sub-Circle) wa u Everest Langstang (uwa yahkhmat ka seiñ WJSU Interim Executive Committee wa uwa yahkhmat na ka Amlarem Area Sub-Circle).

Kiwa wan thap Vote da em ki 475 ngut na ki Sub-Circle waphær ka seiñ (chynrang wa kynthai) heiwa da pynemkaam da ka Secret Ballot.

Hadien wa niaw Vote, u Bayoulad Khonglah da yoh u 39 Vote katwa u Everest Langstang da yoh u 436 Vote.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Yei pyrtuid u Everest Langstang kam uwa jop da pynbna da u Secretary ka Election Committee, u Moorty Khyriem.

U Everest da man u leh kam u President ka seiñ nadooh wa sdang ka ha u snem 2000 wei neiliang ka Election Committee da kitbok kitrwiang ko ya oo kam u President wa pura ka seiñ wow nang kreh chitom u neibynta ka thaaiñ War Jaiñtia.

Ka Election Committee da phah ko leh ya u President Elect wow chna ya ka Central Executive Committee yong oo hapoh uni u bnai June chwa ka sngi baamsmai.