Kam chibynta i lehkmen ya ka Rastriya Ekta Diwas (National Unity Day), ka yung krehkaam yong ka District Sports Officer, West Khasi Hills District, Nongstoin deiwa ya krehlang wa ka District Sports Promotion Society, West Khasi Hills District ynne i step da pynman ko yei phet Marathon kawa da tip kam ka Run For Unity ya kawa da sdang na ka yung krehkaam yong u Deputy Commissioner ka Eastern West Khasi Hills District, Mairang.
Ha kani ka phet Marathon kawa 8 Km da wai da u Additional Deputy Commissioner ka Eastern West Khasi Hills Distict, Mairang, u A. Nongbri deiwa emlang ka District Sports Officer ka West Khasi Hills District, Nongstoin, ka B. Syiem wa ki wakreh ka chnat Sports wei da chimbynta da 57 ngut ki kynthai wa chynrang ka thaaiñ.
Neiliang ki chynrang, da jop da u Shainingstar Marwein, wa ar da yoh rah da u Rahjopkordor Lyngdoh katwa hei wa le da yoh rah da u Mebansainborlang Pathaw.
Ha ki kynthai won da jop da ka Ibashongkun Kurbah, wa ar da yoh ka Laaihun Hoojon katwa hei wa le da yoh ka Nerisa Nongrum.
Kiwa yoh nyngkong, wa ar wa kiwa yoh wa le da yoh ki mar T. 3000, T. 2000 wa T. 1000 samen.
Da saam leh ya ka Consolation Prize kawa mar T. 500 cha kiwa wa soo hadooh khat-wi.
