Jowai: Kam chibynta wow pynchlur wei wow e rynsan yow pynyoo ya i sap i phong ki khon khynroo khyllood ka District, ka sorkar jylla lyngba ka chnat District Sports Office, West Jaiñtia Hills District, ynnin ka 19 tarik da pynman ki ya ka yakob waphær waphær kawa tip kam ka 1st District Level Youth Exchange Programme West Jaiñtia Hills District ha Auditorium ka District Library, Jowai hajrong ka phang ‘Say No to Drugs’.
Ka yakob kynthup ko yaka Extempore Speech, ka Guitar & Flute, ka yakob dro, yakob rwai sur tynre, Talent Show waka yakob Quiz.
Haka Extempore Speech da yoh nyngkong u Melamphang Dhar naka Thomas Jones Synod College Jowai, da wan wa ar u Kenny Kennedy Dkhar naka skur KJP Synod Mihngi HSS Jowai, wa le u Precioustar Sten naka skur Marian Hills HSS Jowai.
Haka yakob tem Guitar da yoh nyngkong u Yakyrdami Nongpluh naka skur Jowai Presbyterian HSS, wa ar u Ruskin Sumer naka skur Sohkha Govt. HSS, wa le u Steward Lyngdoh naka Thomas Jones Synod College.
Haka yakob put chawiang da chimbynta samen u Alexis Q Syngkrem naka skur KJP Synod Mihngi HSS uwa da yoh leh yei naam jop.
Haka yakob dro (Art in 1 Hour) da yoh nyngkong u Bahlang Lamo naka skur Thadlaboh Presbyterian HSS, wa ar u Wauhi-i Challam naka skur KJP Synod Mihngi HSS, wa le u Erick F Lyngdoh naka Thomas Jones Synod College.
Haka Folk Song da yoh nyngkong ka KJP Synod Mihngi HSS, wa ar ka Sohkha Govt. HSS, wa le ka Govt. Boys HSS.
Haka Talent Show da wan nyngkong ka Sohkha Govt. HSS, wa ar ka St. Dominic HSS, wa le won ka Govt. Boys HSS.
Haka yakob Quiz da yoh nyngkong ka KJP Synod Mihngi HSS, wa ar ka Govt. Girls HSS, wa le ka Marian Hills HSS.
Discussion about this post