Delhi: U montri rangbah ka jylla, u Conrad K Sangma chirup wa u Prestone Tynsong wa u Sniawbhalang Dhar ynne da yachem ki ya u montri ka sorkar pyrdi wa pait ya ka Transport, u Nitin Gadkari ha Delhi.
Ha ini i yachem da kyntu ya u Gadkari wow pynbna ya ki sarok ka jylla (State Highway) wow man ki kam ki sarokbah (National Highway), wa kynthup ya u sarok Umtyngar-Sohra-Mawlong-Ichamati- Bholaganj (76.50 km), Nidanpur-Tikrikilla-Medhipara-Rongsai-Bajengdoba-Resubelpara-Damra (120 km), Umsning-Mawhati-Jagi (79 km), Pasiyih-Garampani(Meghalaya)- Haflong (Assam) (48 km), Weiloi-Mawsynram-Balat-Ranikor (75 km), Mairang-Nongkhlaw-Patharkmah Ranigodown Road (80 km), Jowai-Nartiang-Kdiap-Khanduli Road (60 km) wa Tura-Dalu Road-Chokpot-Sibbari (63 km).
Da kyrpaad leh na uni u montri ka sorkar pynku wow pynlait ya ka poisa hapoh ka CRF.
Ka sorkar jylla da kyntu ko leh ya ka sorkar pyrdi wow pynbna ya ki sarok kam ki New National Highways wa kynthup ya u Dkhiah-Sutnga-Saipung-Moulsei (84 km), Nongstoin-Maweit-Nongjri (75 km), Assam-Meghalaya Border-Bhoirymbong ha Shillong Bypass (18 km), Garobadha-Ampati-Zigzag-Mahendraganj (52 km), Mawngap-Mawkyrwat-Rangthong-Nongnah-Dirang-Khadphra (96 km).
Neiliang u Gadkari da kular u wow chimkhia yeini waroh deiwa kyntu leh ya ka sorkar jylla wow phah sdang ya ka Vehicle Fitness Centre wa ar tylli ki Driving School ha ki thaaiñ palat sor ka jylla.
Discussion about this post