Jowai : Ki chilok wa em 7 ngut kiwa maya yei sur u Bob Marley deibor wa khian yong ki da ye ki u pynman ya ka One Love: A Concert for Peace næ ka lympung rwai kawa haap ha ka sngi kha yong u Bob Marley ha madan Lyngkein, Ialong ha kani ka 6 tarik wa dep.
Ha kani ka sngi da pynwyrngai ya ki paidbah da ki soo tylli ki dhab wa tem wa wan nadooh na Shillong, Jowai wa na Rymbai.
Kini ki soo tylli ki dhab toh ki Dew Drops na Rymbai, The Lynx na Jowai, Ki Route 44 na Jowai wa ki Sam Shullai and Friends na Shillong.
Waroh ki soo tylli ki dhab da tem da rwai ki ya ki rwai wa pawnaam u Bob Marley kam i Exodus, One Love, No woman no cry, Jammin wa kiwi kiwi kiwa pynchongchit ya ki wa wan paitke.
Da wan wai ya kani ka Concert da u ma R.G. Lyngdoh V.C. ka MLCU.
Ye phi u yoo heini ha wah ya ki dur yong kani ka miet wa sah kynmoo hapoh ri-loom Jaintia.
Discussion about this post