15 49.0138 8.38624 1 0 4000 1 https://wyrta.com 300 0

Pynche paidbah ka JHADC ya ka aiñ synchar elaka synchar chnong
Ki kattu katni ki phang yong kani ka aiñ wa emkaam phi u tip

0 Comments
Advertisement ad1

Jowai : Ynne ka sngi 10 tarik ka JHADC ha ka yalang paidbah ki dkhot ka EC ka JHADC deilang wa ki MDC, Dolloi, Sirdar wa ki Waheh Chnnong da pyrchang ki u pynche paidbah ya ka aiñ “The Jaintia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Chnong) ka wa da pynman ha District Auditorium, Mynthong ha Jowai. Ya kani ka aiñ da yoh ya ka muhor u lat ha ka 23 tarik u Kmaichonglad 2015.

Ki kattu katni ki phang wa emkaam u tip man ki kamni næ:

Ki mat wa emkaam hei yatoh wa ka Elaka

  • Waroh ki Elaka toh u em ki ya ka Dorbar Elaka wa kynthup wei wa yachimbynta waroh ki dkhot wa da em i rta 18 snem chaneiñ.
  • Ka Dorbar Elaka toh u em ko uwi u Chairman, Secretary, Asst. Secretary, wa u Treasurer.
  • Kiwa ksoh kaam ym toh u duna ki ya 10 ngut. Ya i kyrdan Chairman toh u ksoh da u Dolloi næ u Sirdar. Toh u jied leh ki dkhot na waroh ki chong kam ki dkhot yow yoh ki u mihkhmat cha ki Dorbar Elaka. Ya ki pyrtuid ki dkhot toh u mynjur da ka EC ka JHADC.
  • Toh u chna leh ya ka Executive Dorbar ym toh da ka Executive Committee neibhah ka Executive Committee toh kawa u em du ha ka JHADC. Ki kynthai leh ye hi ki u man dkhot hapoh kani ka Executive Dorbar.
  • Hapoh kani ka Dorbar Elaka toh u em sa ka Executive Dorbar kiwa toh u pait ya ki kaam ka Elaka wei haap ko leh u jied ya u Vice Chairman.
  • Da pynkit leh ha ka Executive Dorbar wow pynman dorbar chisien chi snem næ katwa emkaam ha ka chi snem.

Ki mat wa emkaam hei yatoh wa ka Dorbar Chnong 

  • Yow yoh u pynman chnong emkaam u em 20 yung wei wym duna 50 ngut ki waheh wa da dap 18 snem chaneiñ.
  • Kawi pa kawi ka chnong toh u em ko ka Dorbar Chnong kawa ye u embynta waroh kiwa da dap 18 snem.
  • Ya u Waheh Chnong toh u jied da ki dkhot ka Dorbar Chnong hei emlang 50% ki dkhot ka Dorbar Chnong hei emlang wa u Dolloi/Sirdar yong ka tai ka chnong.
  • Ya u Waheh Chong ye u jied ya oo chisnem næ le snem chi samoi.
  • Kiwa ye u man Waheh Chnong toh du kitu wa man tre chnong næ ki wa da sah ha katai ka chonong la 5 snem. Toh u man uwa da dap la 25 snem. 
  • Kiwa kreh hapoh ka JHADC wa ki MDC ym ye ki u man Waheh Chnong.
  • Ym toh u man u bru wa da dep chah kset patok palat ya i 6 bnai.
  • Ya ka jied Waheh Chnong toh u pynman deiwa rah kti kamjooh ye pynleh deiwa thap da ki ‘Secret Vote’.
  • Hapoh ka Dorbar Chnong toh u em ki nongkitkaam kiwa kynthup ya u Waheh Chnong, Assistant Waheh Chnong, Secretary, Assistant Secretary wa u Treasurer. Ye leh u thung sa u Chairman Chnong u wow pyllai ya ki meeting Dorbar Chnong.
  • Ka Dorbar Chnong toh u em ko sa ka Executive Body ka wa toh u em ym duna ya 6 ngut ki dkhot wei wym hoi u tam ya 12 ngut.
  • Ya kani ka Executive Body toh u em kawi ka kynthai na le ngut ki chynrang iwa mut lada em 6 ngut ki dkhot 2 ngut toh u man ki ki kynthai.

Neilaing u Wyrta na ki por cha ki dor daw e chooh i cha phi ya kiwi ki kyndon yong kani ka aiñ.

Advertisement ad1

0 Comments

Leave a Reply