Jowai: Ynne ka 2 tarik kam chi bynta wa pynem warom ya ka sngi kha u Mahathma Gandhi næ kawa tip leh kam ka Gandhi Jayanti ki khynnah ka Shlem Hikai Tynre (SHT) yong ka Seiñraij Chnong Cham Cham hei yahkhmat u Pilin Dkhar wa man kam u President ka Khynroo Khyllood Niamtre Committee da mih ki palat ya 60 ngut wow pynkhooid ya ka chnong Cham Cham.
Yeini da leh deiwa jied ya ki plastic ki klong ki bilor dei wa sdang u mih nadooh Cham Cham Community Hall neitæ pteiñ ki tymbud u sarok hadooh wa kut ka chnong.
Ha chwa wow ya khlaad noh jar jiar i yung, da em i klam wow sneiñ ya ki khynnah kamwa sneiñ u Gandhi wa emkaam u man iwa khooid ha ki soodong sookun kamjooh i khooid hei thij i pyrkhat na u Sakhiat Dkhar heijooh i por na u Wansalan Dkhar da sikai u wa lada kwah i u yoo yei kylla emkaam u sdang na i samen chwa.
Da kyntu leh wow pteiñ ya ini i jooh manla u snem yow man ko kam ka nongmuna ya kiwi ki chnong.
Ya kani ka khubor da phah da u Wanmi Phawa u General Sec. ka Seiñraij Chnong Cham Cham.
Discussion about this post