Jowai: Ynnin ka 16 tarik, ka chnong Moodymmai da ya mih paidbah ko kynthai wa chynrang wow ya chimbynta lang hei wow pynkhooid ya ka chnong Moodymmai kawa da yahkhmat da ka VEC (Village Employment Council) deiwa ya krehlang wa kiwa khlieh ka chnong.
I thmu yong kani ka pynkhooid ya ka chnong Moodymmai man ko yow pynkynmoo yow man kiwa lehkhooid ya ka chnong man ka sngi.
Ya ini da pynkynmoo leh da u waheh chnong yong ka Moodymmai u Nangmanbha Laloo deiwa kyntu ya ki paidbah wow man ki kiwa leh khooid kamjooh ya ki manbei manpa wow sikai ki ya ki khon yong ki yow man ki kiwa leh khooid.
Da yoh leh yei klam na u VEC Secretary ka chnong Moodymmai u Samson Shullai uwa da batai heiwa kammon rukom u pynkhooid ya ka chnong.
Ha kani ka pynkhooid chnong da emlang wa kiwa em ya ki Job Card kiwa em hapoh yong ka chnong Moodymmai waroh kawi, ka VEC Committee wa ka Executive Committee yong ka chnong kawa da pynman ya kani ka pynkhooid chnong kawa jop.
Discussion about this post