Pynman sngi chuti noh ka BSNL ya ka sngi Good Friday hadien wa booddien ki montri sorkar

Ini i chimkhia ka sorkar man i hadien i pyrchah na kiwa boon walang wa kynthup ki seiñbhalang waphær waphær kiwa da kyntu ya ki heh ka BSNL wow pynman chuti ya kani ka sngi.

Hawa yaklam wa kiwa pathai khubor neiliang ki ar ngut ki montri sorkar, u James K Sangma, montri ka kaam pohyung wa u AL Hek, montri ka chait ka khiah da ong ki wa neiliang ki heh ka BSNL wa kynthup ya u General Manager wa pait ya ka jylla Meghalaya, u Nirmal PG da pynman chuti noh ya ka ka sngi Good Friday.

U AL Hek da pyntip u wa u GM da ong u wa ymtoh ka hukum ka sorkar India wow pynman kreh ha kani ka sngi tangwa toh neidaw wa phah ki heh yong ka BSNL wei itæ toh wow wai du ya ka Consumer Service Center wei da pynkylla noh yeini neibhah wa boon kiwa pyrchah.

Katwa neiliang u montri ka kaam pohyung da e khublei u ya u heh ka BSNL kiwa da pait ya kani ka kaam wow pynman chuti katkam ka NI Act, heiwa ka sorkar jylla da pynbna ya ki sngi chuti wa kynthup ya ka Good Friday wa kiwon kiwon ki yung krehkaam ka sorkar lada ka yong ka jylla namo ka sorkar pyrdi u man ki kiwa khang.