Pynman yakop Chaad Tynre ka Dorbar Chnong Namdong

Jowai: Ka Dorbar Chnong Namdong hei yakreh lang waka ophis yong ka Arts and Culture Meghalaya, Shillong, da pynman ki ya Cultural Dance Programme næ ka Chad Yongrim kawa chi sngi hajrong ka phang “Toh wow Pynneh Pynsah yaka Dustur Riti u Longchwa Manchwa” kawa da pynman ha Madan Pohchnong, Namdong ha kani ka 24 Naikhynde 2016. Ha kani ka Chaad Tynre dawan u yachim bynta hadooh 21 tylli ki dhab kiwa chad wa kiwa rwai tynre na ki chnong waphær waphær yong ka thaaiñ.

Ha katai ka sngi u ma Vincent H. Pala u wa man leh Member of Parliament (MP) na Shillong, da man u kam u kongsan, kamjooh leh u MLA ka thaaiñ u ma Sniawbhalang Dhar da em lang u.

Ha kani ka sngi ya ka yalang da pyllai da u ma Elias Susngi wa man u waheh ka Raij Namdong hei emlang u Doloi ka Nongjngi u ma Coupiousness Daw wa kiwi kiwi.

Ha katai ka sngi da puræ leh ya ka History wa tbian yong ka chnong da u ma Linus Pale u waheh chnong, heijooh i por da e leh ya ka Memorandum cha u ma Vincent Pala. Da wan wow sakhi lang ya kani ka Chad tynre da u Fr. Lambeth Dkhar wa kiwi kiwi.

Related posts

Pyndep ka Raij Jowai ya ka Kñia Khang wow e ngooh ya ki Soo Dwar Soo Luti wa ka Tawiar Takan

June 20, 2025

Da pyndep ya ka Kbai Mooknor chwa ka Kñia Khang

June 19, 2025

U ma Vincent hei klam da yaroh u ya ka chnong Namdong wada ye ko u pynman ya kam kani ka jait yakop wow pynneh pynsah ya riti Dustur, da ong u leh ha wa pynman kam ya kani ka chaad tynre hei yatoh wow pynneh pynsah ya ka riti dusur ka chnong ka thaw ki wa pyllai toh u em ki ka yukit wa kammon u pyllai bait ya kam kini ki prokram hawaroh ki liang.

Ha katai ka sngi kiwa wan wow yachim bynta em ki hadooh 21 tylli ki dhab na ki chnong waphær waphær kiwa kynthup ya ka Chad Rah Kynthai na Namdong-A, Chad Pliang na Wahiajer, Umjalasiaw wei na ka Seiñ Manbei Namdong. Da em leh ka Chaad Karbi na Karbi, Chad Wait na Namdong-A, i rwai tynre na u M. Pyrtuh na Namdong-A, Chnong Lumstong wa na Mookhnang. Na ka chnong Sanaro da yoh i Chaad Tynre kamjooh na ka Seiñ Manbei Namdong wa kiwi kiwi.

Ha kani ka sngi hei yatoh ya ka kyrdan wa nyngkong da yoh da ka Karbi Cultural Dance, wa ar Lumstong Nongjngi wei wa le da ka Wahiajer. Ya ki khusnaam da saam da u ma Vicent kamjooh leh da u ma Sniawbhalang Dhar.