U Deputy Commissioner ka West Jaiñtia Hills District da pynmih hukum u yow khang pyrchah yeiwa joor i em ki bru wa chet wa tu cha rood sarok deilang i noh jhep wei pyntaroi ya ki thaw uiñke suwari, ki luti syngkieñ wa ki thaw paidbah.
U DC da khang u wow chet u tu deiwa pynemkaam da ki dieñ, ki rngaw, ki LPG Cylinder lane kiwon kiwon ha rood sarok, ha ki Viewpoint wa ki thaw paidbah.
Ka hukum da khang ko leh wow noh taroi ya ki Plastic, ki baam, ki klong, ki yusong baam, ki Can wa kiwi de kamjooh i noh taroi ya waroh ki jait jhep ha ki thaw paidbah, ha ki khloo ki kjam, ki um ki wah, ki dooid ki nala wa kiwi de.
Ya kani ka hukum da pynmih deiwa pyrkhat neibynta i chngaaiñ ki paidbah, ka bei rymaw, u em i khooid i jngiar kamjooh yow pynneh yei miat ka West Jaiñtia Hills District.
Kani ka hukum u krehkaam ko chisiendon hadooh wa pynbna da kamwi.
Discussion about this post