Ka Ministry of Home Affairs da kyntu ko ya ki sorkar jylla wow man kiwa syndong neibhah wa ye u mih i awri khamtam hadien wa sdang ka thma wa ka Iran, heiwa ye u mih ki yakhih da ki bru na ki kattu katni ki niam.
Ya ini i kyntu da pynmih ha ka 28 tarik u February heiwa ka Ministry da ong ko wa emkaam u syndong khamtam hadien i jia ha West Asia iwa ye u ktah hapoh ka ri deiwa kdaw wa i awri ye i wow mih na ki yalang niam, i yalang paidbah.
Da kyntu wow pait bha ya ki bru samen wa ki seiñ wa ye u pynmih yei awri khamtam na kiwa yachah Iran khamtam ki heh niam kiwa ye u klam ya ki kyntien pynchoi iwa ye won wow khai hei dur ki awri awra.
Ka Ministry da ban joor ko leh wa emkaam wow em ki buit wei wow e yutip markylliang hapyrdi ki chnat wei wow pyntikna wym mih ki yakhih wei awri awra iwa ktah yei chongsuk.
Ini i maham wan i hadien wa dat Bomb ka Israel wa USA ya ka Iran ha ka 28 tarik wei da neh i yadat markylliang hadooh ynne ka sngi.
Ki heh sorkar ha New Delhi da pait ki yei man i long hapyrdi ki ri kamjooh leh hapoh ka ri.
Kam wow kdaw heini ki bor pulit da pynkhreh ki leh kam ha jylla Jammu and Kashmir heiwa da em i yakhih ha ki kattu katni ki bynta khamtam hadien wa yap u khlieh dooh ka Iran, u Ayatollah Ali Khamenei.
Discussion about this post