Pynmih ka Nepal ya ka poisa Rs.100 kawa emlang ki thaw wa em hapoh ka India

Ka Central Bank ka Nepal ha kani ka tayaaw da pynmih ko ya ka kot poisa Rs.100 wa thymme kawa em leh ya ka Map thymme wa kynthuplang ya ka Kalapani, Lipulekh wa Limpiyadhura kiwa man kam ki thaw wa ka India ong ko kiwa haap hapoh yong ka.

Kani ka kot poisa wa thymme ka Nepal Rastra Bank (NRB) da em ko yei soi pyrtuid u Governor warim, u Maha Prasad Adhikari wei ka tarik toh yong u snem 2081 BS, iwa mut yong u snem 2024.

Ha u May 2020, ka sorkar wa yahkhmat u K P Sharma Oli da pynmih ko ya ka Map wa thymme ka Nepal wa pynyoo ya ka Lipulek, Kalapani wa Limpiyadhura kam ki thaw wa em hapoh ka Nepal heiwa da mynjur leh da ka Parliament.

Ka India ha itu i por da ong ko wa ini wa leh ka Nepal toh dei yong ka samen donhi khlem da yaklam yow pynheh pynkmai ya u pood ko i wym ye u pdiang.

Related posts

I kyrpaad wa i maham na ka Dorbar Chnong Chutwakhu ya kiwa wan cha ka World Cup Fan Park

July 15, 2026

Kyntu ka NEEPCO ya kiwa sah cha wah ka Kupli wow man kiwa syndong wa da hap wow pynlait um biang

July 14, 2026

Ka India da ong ko wa ka Lipulekh, Kalapani wa ka Limpiyadhura toh ki yong ka.

Tangwa neiliang uwa e ktien ka NRB da ong u wa kani ka Map toh kawa jooh em ha ka kot poisa Rs. 100 kawa rim tangwa kawa kattæ toh kawa da pynkylla katkam i rai ka sorkar.

Na waroh ki kot poisa wa Rs. 10, Rs. 50, Rs. 500 wa Rs. 1,000, du ka Rs. 100 donhi kawa em ya ka Map ka Nepal.

Ha kani kawa thymme da em u Mt. Everest ha chrooh tidiang wei hapyrdi da em ka Map ka Nepal.

Ka Nepal toh kawa em u pood wa jrong wa 1850 Km wa India kiwa yabi wa ka Sikkim, West Bengal, Bihar, Uttar Pradesh wa Uttarakhand.