Pynmih ki soo skur ka ri-loom Jaiñtia ya soo tylli ki khloor haka SSLC

Jowai: Ki soo ngut kiwa yaleh matric na ki soo tylli ki skur da wanrah nam wanrah burom ki yaka ri-loom Jaiñtia hadien wa pynbna yaka Result SSLC ka MBOSE ynne ka sngi deiwa yoh ki u psiah hapoh ka thup yong ka kyrdan Top 20 ka jylla.

Kini ki soo ngut kynthup ya u Luigi Dalian Paswet wa naka skur Q.C. Springside English Secondary School, Jowai, uwa da wan haka kyrdan 3rd Position wei da yoh Distinction u ha waroh ki Subject, u Dimarkithmu Gayang naka skur Jawaharlal Nehru Memorial Secondary School, Lamin, uwa da wan haka kyrdan 5th Position wei yoh Distinction u ya 5 tylli ki Subject nalor wa yoh 100 naka 100 haka Mathematic, ka Ibalahun Rymbai naka skur KJP Synod Mihngi Higher Secondary School, Jowai da wan ko haka kyrdan 13th Position wei nalor wa yoh Distinction ko waroh ki Subject da yoh ko leh 100 naka 100 haka Subject Mathematic wei da yoh Highest Marks ko haka Khasi deiwa yoh 95 naka 100, u Kyrmen Hemiat Rymbui naka skur Marian Hill Higher Secondary School, Jowai da wan u haka kyrdan 14th Position wei da yoh Distinction u ha waroh ki Subject.

“Yow poi cha ka thong, emkaam i kreh chitom wei wow pynlai yumut, tangwa nyngkong toh u tip iyi kwah i wei hadien wa tip, booh yaka kam katæ ka thong neitæ kreh chitom nei bynta katæ”. Ong u Luigi Dalian Paswet hawa yaklam wa kiwa thoh khubor.

Da ong haroh u wa i por toh iwa kordor, wei ym mut wow ong wow khreh kot boon kynta, tangwa iwa emkaam toh hadoh katwon pyndep i yei pynkhreh hapoh ki kynta wa da booh. 

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamtæ da pynkut u deiwa ong kiwon kiwon na kawon kawon ka thaw leh ye hi ki wow leh yeiwon yeiwon. 

U Kyrmen Hemiat Rymbui da ong u wa hawa khreh kot toh u pynlai yumut wei wow em yaka thong heiwon u poi, katwa ka Iblahun Rymbai won da ong ko wa nalor wow man kiwa minot emkaam leh i akor salon i sñiawkhian wei wow kyruiñ cha u Blai neibhah oo toh uwa hakhlieh tam.

Ka Ibalahun Rymbai toh kawa sah ha Khimusniang, ka khon ka Tracy Rymbai wa u (L) Albinus Talang ka khon wa 5 napyrdi 5 ngut chi payu.

U Luigi Dalian Paswet toh u khon ka Mardaka Paswet wa u Agate Shullai u khon wa heh naki 2 ngut chi payu. 

U Kyrmen Heimiat Rymbui uwa na Nongtalang, toh u khon ka Phulen Rymbui wa u Solvinson Pohrmen, u khon wa ar naki 4 ngut chi payu.

U Dimarkithmu Gayang toh u khon u Domenic Khonglah waka Solomi Gayang.