Hadien wa da pynlait yaki warep na ki kyndon ka Lockdown yow ye ki u pyndep yaki kaam rep yong ki, neiliang u DC ka West Jaiñtia Hills District da pynbna u ya iwa emkaam wow bood ki hawa hiar lai rep ki cha ki hali ki pynthor.
Ki warep ym toh u yalang ki chi thaw wei emkaam wow pynmyllien u yajngai uwi na uwi wa ym duna chi meter wei ye u leh ya ini deiwa bynta kaam uwi ya uwi ha ki thaw rep.
Waroh ki warep toh u deiñ ki yaki Mask wei u pynmyllien u sait yaki kti da i sabon kut wa sangeh chong ngiah ki wei wow tymmoh daka that hawa ka’oh lane synrieh.
Heipor wa chong ngiah toh u yajnai 3 hadooh 4 phut uwi na uwi kamjooh heipor wa chong baam, heipor wa kyrriah yaki mar rep cha ki thaw pyllang kamjooh heipor wa pynku pynhiar ya ki.
Toh u rep heitæ i rukom wym boon bru ha i jooh i por wa ha i jooh i thaw.
Ki wakreh toh u man ki kiwa chait kiwa khiah ki wym em ki dak ki chin wa em u COVID-19.
Toh u pynmyllien wow pynemkaam da ki kor hawa rep yow pynduna yei boon bru.
Toh u pynkhooid bha yaki kor rep. Toh u kynmoo leh wa ki kari wa kit mar toh u man ki kiwa khooid, hadooh ki churia, ki yusong wa booh yaki mar rep leh.
Yaki mar rep toh u booh u lum iwa ya jngai kamwa 3-4 phut iwi na iwi.
Ym toh wow dai jhan yaki mar rep, toh u kynchew chwa yaki lada em ki laad.
Da maham ya kiwa mynthu ha ki thaw paidbah wei ye wow pynchitom ya kitu kiwa leh pyrchah.
Discussion about this post