Ka sorkar ka jylla Goa ynne da pynmih kyndon ko heiyatoh wow khanglaad yei poor u khñiang COVID-19 khamtam ha ki yalang paidbah deiwa chah du 50% wow em ki bru hapoh ki Casino deiwa bood kyndon wa hap wow deiñ Mask, u booh ya ki dawai sait kti, ki tiar thaw chit wei u chah du ya ki bru wym em ki dak ki chin wa chitom kamjooh ya ki wareh kiwa da yoh pura yei tika wei emkaam toh u pyndep ki 15 sngi nadooh wa chim yei tika wa ar.
Ye ki leh wow wanrah da ka RT-PCR Negative Report kawa da leh 24 kynta chwa wa psiah cha ini i thaw.
Ki Cinema Hall/Auditorium/Community Hall/River Cruise/Water Park/Entertainment Park ym toh u krehkaam ki deiwa chah palat 50% neiwa hoi u em ki bru.
Ki thaw paidbah, ki Spa, ki Massage Parlour, Restaurant, Pub, Bar, Hall, Auditorium, Gym, ki thaw pynman bia, Cinema Hall, River Cruise, Waterpark, Entertainment Park toh u bood ki thij ya ki kyndon wa kynthup yei pynemkaam Mask, ki Sanitizers, Thermal Screening wa kiwi kiwi. U chah du ya ki bru wym em ki dak ki chin wa chitom kamjooh ki wakreh wei kiwa da yoh tika pura kiwa emlang ya ka Vaccination Certificate wa da pynyoo wa da yoh waroh ar ki tika wei toh u pyndep ki 15 sngi nadooh wa yoh yei tika wa ar.
Ye leh wow rah da ka Covid Negative Test Report kawa da leh 24 kynta chwa wow psiah cha i thaw.
Ki tre yong ki thaw wa psiah ki paidbah toh u pyntikna ki wa da bood ya kini ki kyndon.
Neibynta ki skur won daw pynmih ya ki kyndon da ka chnat puræ puthi.
Ya kiwa wan na baar jylla hap ki wow yoh pura yei tika wei wow pynyoo ya ka Vaccination Certificate wa da dep ki wow pyndep 15 sngi nadooh wa chim yei tika wa ar.
Ya kiwa wan wow phah sumaar hap ki wow pynyoo ya ki kot ki sla phah lai sumaar.
Ya kiwa yah kari kit mar da chah wow em arngut kiwa yah kari wa uwi uwa yarap wei ki pulit daw hap ki wow sylli ya ki da ki kor thaw chit.
Ka Goa kattæ da em ko 535 ngut kiwa dang chah ktah wa 70 ngut kiwa dang yoh ha kini ki 24 kynta.
