Pynmih result tangdep ya NIOS ya ka course D.El.Ed

Jowai : Kiwa sikai wa yaleh ya ka exam Diploma in Elementary Education (D.El.Ed) yong ka batch 2013-15 da pynsñiaw ki yei wym hun mynsien ki ya ka result wa dep pynmih ha kani ka 9 tarik uni u bnai.

Da ong wa ha kani ka result wa da pynmih da ka NIOS em boon ki khaler hadooh wa 90% kiwa yaleh (Trainees) ya kani ka exam ym em mih ki Internal Marks yong ki ha ka result. Da em leh kiwa chah thoh absent hanlada ki wan thoh exam hi ki. Kani ka result da pynsepai ko yei kreh chitom kiwa pynkhreh ya ka wei da yang hadooh 9 bnai yow pynmih ya kani ka result.

Hei yatoh wa ini waroh, ka seiñ ka Meghalaya SSA School Association (MSSASA) Central Body da pyntip ko wa u pynman ko da ka yalang ha kani ka 13 tarik ha Khliehriat West Community Hall, East Jaiñtia Hills District.

Kamtæ da khut ya waroh ki trainees nadooh kiwa sikai SSA, 4^th Teachers, Ad-hoc, Govt wa kiwi wow emlang ki ha katai ka yalang khlem pep heipor 11 waje i step yow chong pyrkhat hajrong i rukom krehkaam ka tnat DERT wa ka NIOS.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka D.EI.Ed toh ka course wa ar snem kawa emkaam waroh kiwa sikai skur LP hadooh UP ha waroh ki skur SSA, Government, Non-Government wa kiwi u pyndep ki ya kani ka course wei da em kamwa 7000 ngut kiwa yaleh ya kani ka exam ha kani ka batch heiwa da em kamwa 1000 ngut na ri-loom Jaiñtia.

Also Read: 9 bnai slem u pynmih result, wa ym ye u pynbiang ya ki Internal Marks